ما يجتمع في القلب هوجاس ونعاس

.

يالله يا مذري من النود نسناس == يا مذري النسناس مرسي الرواسي

تبرج لقلبٍ يارده كل هوجاس == من كثر هوجاسي قليلٍ نعاسي

ما يجتمع في القلب هوجاس ونعاس == راح النعاس ودوخ الهجس رأسي

ذي حالة الانسان لا عاد حساس == يقطعك يا قلبٍ بليا حساسي

وان جيت أنا بصبر وبجامل الناس == الناس غير الناس ما هم بناسي

الناس غير الناس من كل الاجناس == متساوين فيهم رجايه ويأسي

حدٍ في الملعب يدور على الكأس == وأحدٍ بليا علم يبغي رياسي

وأحدٍ يبي مرجان ما هو بغواص == وأحدٍ يبي منصب ويبغى كراسي

هو ما عرف وش هو المهند من الفأس == والفرق ما بين الذهب والنحاسي

إن كان تبغى الرأي يا طيب الساس == خلك حليم ولا قسى الشور قاسي

ولا تشاور إلا واحد يرفع الرأس == صليب شور وفي المعاني سياسي

لا كان عنك من أبعد الناس لا بأس == إما عطاك الحق وألا يواسي

لا تراعي اللي ضاريٍ بالتملاص == اللي يخلي صايبه ما يناصي

ترى الردى والكذب ما فيه نوماس == وترى التكبر تاليته الفلاسي

من قصائد الشاعرة : صالحة بنت عبد الله بن ظافر الحلي الغامدي

مدونة ديوان شاعرة