شعري ولعبي مايوافق على الدف == عيت إلعوبه لا توافق إلعـــــــوبي
لاكنّ بألعب وأصفق الكف بالكف == لاني لا صوبه ولاهوب صـــوبي
اللي يصيح صياح واللي يغطرف == وأنا مدخلتن يديّ في جيــــــوبي
ماغير أداري الروح وأدفها دف == وأكن ما بي والعرب ما دروا بي
خلوني أعدي على عالي الطف == في مرقبٍ تومي الهبايب بثوبي
في رأس رجم مايبي له مكـيف == مكيفه ربــي بغــيم وهبـــــوبي
أجلس بظله يوم جاني مهـايف == وأطلّع اللي بالضمير محجوبي
خلوني أسمع صوت والا أتشوّف == أطروش وألا نزل وألا عــــزوبي
باحت رسوم البدو ماعاد تعــرف == ولا عاد يوم البادية بمحســــوبي
عهدي بهم عام أربعمية ورا الألف == والقلب عيا من غلاهم يتــــــــوبي
شدوا وأنا ماشد من قلبي الولف == وأنا من أهل البادية ويش دوبي
ماعاد به شيلة وبرقع وشرشف == راعي الغنم يمنان وألا ثيــــوبي
والشبك والعمال والحظ الأشقف == مناظرٍ منها تشيب القلــــــــوبي
وين البيوت اللي على غاية الشف == والبن الأشقر وأمهات العصـــوبي
وين الدلال اللي بجال الصلل صف == ونجرٍ يلا دنوه صوته جـــــــذوبي
وين النشامى والركاب المردف == يا زينهم ضيفان بعد التعــــوبي
يا زينهم ضيفان واللي يضـــــيف == الضيف راغب والمضيف رحوبي
قطيرهم لاكان بيته مطــــــــرف == لاغاب راعي البيت جاره ينوبي
وذيك الهروج الطيبة والســـوالف == حمض الرجال من الكلام العجوبي
كنز من كنوز العرب مايوصف == فعول الرجال موردين الهيوبي
قالوا لي أنتو بدو قلت أتشرف == هاذي عذاريبي وهاذي عيوبي
ولو حسبتوني من أحدا الملقف == الله يسامحكم ويغفر ذنـــــــوبي
من قصائد الشاعرة : صالحة بنت عبد الله بن ظافر الحلي الغامدي
مدونة ديوان شاعرة
ليست هناك تعليقات:
إرسال تعليق