هذه القصيدة رثاء في : سعد بن علي بن حمود رحمه الله رحمة واسعة .
يابو علي خليت من شعري أبيات == وبعاضي الهقوات خليت منها
أقول بسافر قطر والأمارات == والمملكة من شامها لا يمنها
عودت في التفكير وعلومي أفوات == هو الأرض شدت وألا أنا تهت عنها
راح الرفيق اللي معي فيه هقوات == لا قال يعقلها وجوّد رسنها
كنت أعتزي به في بعاض المهمات == لا من غيره ماج عنها احتضنها
ماهوب من تصعب عليه المسافات == لا أقبل على رأس الشفا ماج عنها
يشوم للعلياء وعنده طموحات == كل المراجل والرجولة ضمنها
لاوالله اللي راح راعي الجمالات == مطلق لسان اللي تماري بأهلها
عز الله إنه من كبار الخسارات == خسارةٍ ما ينتعوض ثمنها
ما عاد ينفعنا البكاء والتنهات == وألا الدموع اللي تغطي وجِنها
مافات فات ولارجع كل من فات == مير القلوب الله يهون حَزَنها
يا ما فقدنا من قصورٍ منيفات == من حدته قُشر الليالي زبنها
اليوم ما نعرف عليها علامات == راحت وغطّاها العجاج ودفنها
ماعاد غير اللي كِتب في السجلات == وألا العظام الهامدة في كفنها
عسى مساكنهم رياضٍ وجنات == يرحمه ربي والرضا في سكنها
يابو علي خليت من شعري أبيات == وبعاضي الهقوات خليت منها
أقول بسافر قطر والأمارات == والمملكة من شامها لا يمنها
عودت في التفكير وعلومي أفوات == هو الأرض شدت وألا أنا تهت عنها
راح الرفيق اللي معي فيه هقوات == لا قال يعقلها وجوّد رسنها
كنت أعتزي به في بعاض المهمات == لا من غيره ماج عنها احتضنها
ماهوب من تصعب عليه المسافات == لا أقبل على رأس الشفا ماج عنها
يشوم للعلياء وعنده طموحات == كل المراجل والرجولة ضمنها
لاوالله اللي راح راعي الجمالات == مطلق لسان اللي تماري بأهلها
عز الله إنه من كبار الخسارات == خسارةٍ ما ينتعوض ثمنها
ما عاد ينفعنا البكاء والتنهات == وألا الدموع اللي تغطي وجِنها
مافات فات ولارجع كل من فات == مير القلوب الله يهون حَزَنها
يا ما فقدنا من قصورٍ منيفات == من حدته قُشر الليالي زبنها
اليوم ما نعرف عليها علامات == راحت وغطّاها العجاج ودفنها
ماعاد غير اللي كِتب في السجلات == وألا العظام الهامدة في كفنها
عسى مساكنهم رياضٍ وجنات == يرحمه ربي والرضا في سكنها
من قصائد الشاعرة : صالحة بنت عبد الله بن ظافر الحلي الغامدي
مدونة ديوان شاعرة
ليست هناك تعليقات:
إرسال تعليق