ذاك الزمان اللي على خاطري لاق




يالله ياللي للمخاليق خلاق == بأمرك جميع الكاينات مخلوقة

ياواحدٍ عنده مفاتيح الأرزاق == لا تجعل الدنيا علينا ضيوقة

يا مل قلب للمراقيب مشتاق == هذا هوى قلبي وشمّه وذوقه

أخيّل نصوب المطر يوم تنساق == لا جرّ نشوه والهبايب تسوقه

لاركد قام يتدريق تدرياق == خفت هبوبه والتحم في فتوقه

نخيّله لا كان ما فيه برّاق == حتى نوكد وين نزل حقوقه

شوي ريت سيولها يوم تنداق == سيل الوعر متجذبٍ من عنوقه

قام يتبارى كن من بينه سباق == تقول خيلٍ درِّبت للسبوقه

أيام ريت النبت من كل الأوراق == ريت الزهر متفتشٍ من حلوقه

متخالفٍ لونه وشمه والأذواق == وريت النحل منه يغذي فروقه

أيام يوم البل على كيفها اطلاق == ترعى النبات اللي تسابق مروقه

والطرش يرعنّه حسينات الأرماق == يشذن غرسٍ مايلاتٍ عذوقه

ذاك الزمان اللي على خاطري لاق == واليوم وقت البادية طاح سوقه

بعد البنات البيض جانا اسود الساق == تخالفنّ طروقنا عن طروقه

ولا عاد تلقى للمطاريش عشّاق == ولا عاد للطرّاش شيءٍ يشوقه

ولا عاد لا صيدٍ ولا عاد تفّاق == وأهل الولع حطوا عصا الزير فوقه

من يوم وقت البادية طاح وانعاق == وقت الحضارة ضيعه من حقوقه

والبادية راحت وكادٍ وتحقاق == لاهي بمملوكة ولا بمعتوقة




من قصائد الشاعرة : صالحة بنت عبد الله بن ظافر الحلي الغامدي

مدونة ديوان شاعرة

ليست هناك تعليقات:

إرسال تعليق