خلوني أعدي على رأس شلهوق == هذا هوى قلبي وهذا مراده
أبدي على الشلهوق حتاني أفيق == فاقة سجينٍ مطلقينٍ قياده
عندي ولاحتى حليب من النوق == لو كان صافي الشهد فوقه زياده
أشوف نبت العشب من كل زملوق == متناشعٍ صفر الزهر مع سواده
هذا هواي ونية القلب والذوق == ومرافقه جوٍ يذعذع براده
وياليتني بآخذ على الجيب طاروق == ويا ليت عندي للسواقة شهادة
وياليت من حضرلي الجيب وأسوق == لكن غيري ماعطونه قيادة
مع واديٍ مافيه مركز ولا سوق == ولا واحدٍ يفرض علي إنتقاده
خله كما سيلٍ تحدّر من عنوق == سيلٍ غزير وضايقٍ به حشاده
وألا كما شهلول مع رعد وبروق== لا إنقاد من منشاه والرب قاده
يشذي لشيهانٍ مع الجو من فوق == لا صافق الجنحان ناوي بصادة
تبري هجوسٍ دونها الباب مغلوق == ماهوب يعرفها طبيب العيادة
أخافها تلحق على كل معلوق == أموت وإلا أبقى طريح الوسادة
في رحمة اللي رازقٍ كل مخلوق == يشكي عليه المشتكي من عباده
من قصائد الشاعرة : صالحة بنت عبد الله بن ظافر الحلي الغامدي
مدونة ديوان شاعرة
ليست هناك تعليقات:
إرسال تعليق